لحـظات من حـياتي

مره كنت محتاجه السوق بشكل . . ناقصه عليه أغراض كثيييييره و كلمت أمي و أختي بدري إني أبغى السوق . . فلا صار الوقت و أجت السياره يخبروني و جتني نومه و غفيت و لما صحيت تفاجئت إن أختي راحت بدوني . . و إيش عذر أمي صحيناك و ما رضيتي قلتي ما تبغين يا أنا عصبت وقتها و زعلت و إنقهرت ما صحوني . . هم عملوها حركه لأن أختي تبغى تروح مع بنت خالي و يتسوقوا على راحتهم لأني أنا و بنت خالي ما نتوافق . . بينا مشاكل دبلوماسيه . . فإذا مشيت ما تمشي و الصراحه حركه بايخه و زفت منهم . . خاصه إني أكثر من مره كنت أجلس بالبيت و ما أروح السوق و أختي تروح و تاجي أكثر من البعثات الدبلوماسيه في أوقات الحرب كانت روحي لراس أنفي . . معصبه حتى من نفسي و لو يمر من قدامي إبليس جلدته المهم رجعت ست الحسن و الدلال و قامت تشرح لأمي وش أخذت و وش جابت . . بدال ما تستحي على وجهها و تنطم و هي مسويه فيني ذي الحركه المهم ما شفتها إلا هي جايبه كيس مليان لقمته آيس كريم النوع إلي يعجبني . . يوفو و حطته بالفريزر . . و راحت تقولي و هي مسويه إبتسامه : أخذت لك آيس كريم دايم

ما هو التصنع هو لما تتصنع وجود الشيء يعني مثلا تسمع نكته باااااايخه و تبغى تسوي إنه تموت ضحك فتضيحك و تتصفق و تسوي غشيان ضحك المصيبه إن التصنع يبين يكون واضح وضووووح الشمس بكبد السماء ( يعني وسط السماء مو كبدة الفطور ) شفت المسلسلات الخليجيه لما الوحده تتعصر عشان تسوي تبكي و إحنا بس نكش في أرواحنا من سماجة التبيكا ذا ذا تصنع عشان كذا ما أتابع خليجي  لأنهم سيئين في التمثيل يا الله كله تصنع ضحك بكا عصبيه فجيعه الفجيعه عندهم الواحد ينط لفوق و يرقص رقص نقري مكانه وهو يتلفت كأنه طائر الفاليمنجو أما العصبيه لما الواحد يعطيك نظرات أنا شرير و يفتح فمه 180 درجه و ينزلك صياح على أساس ثورة العصبيه وهو وضعه وضع حمار أكل لين ما جته الطقعه و قام ينهق حتى يغطي عليها و إلا يقـعد كل شـويه و على أي سالـفه : أنـا عصـبي وهـو لـو يـصادف واحـد عصـبي مـن جـد و الله إنـه يهجـد و لا كـأنه موجـود التصـنع لـه أوجـه كثـيره إفـتعال شـيء غيـر موجـود شـيء غـير حـقيقي مـشاعر زائـفه لا أصـل لـها

تونا بادين بالسنه الجديده تونا نقول يا رب تكون سنة خير و راحه و إرتياح تونا ما فتحنا عيونا عليها إلا بمشاكل و إزعاج أنا مشتركه بمنتدى و سجلت فيه عشان المسلسلات حتى أشارك برايي أعبر و كذا لأني أعشق ذا العالم (( بديت أشطح خارج الموضوع )) المهم أنا ماسكه قسم المسلسلات الغربيه مع مشرفين . .  من خيابة حظي إنه ما بينهم بنت تكون سند معي يعني كلهم رجال . . و معروف عقلية الرجال (( معليش خلونا واضحين و بدون زعل )) دايما يشوفوا أنفسهم إنهم هم الصح . . إلي يسووه هو الأفضل ما في إستشاره أو أخذ رايي و حتى ما يعلموا الوضع و أسلوب العمل حتى الوحده ما تعرف و تفهم . . حتى ما تكون أعلى منهم في المستوى (( مستوى الشغل )) و ذا عن تجربه مو ظلم حتى ما تقولوا أحكم كذا من الهوا المهم بداية رمضان كان لازم ننزل موضوع تفاعلي حتى يشاركوا الأعضاء فيه و نحرك القسم فيه لاحظتهم تأخروا . . و أنا لساتني جديده دوبي قبل شهر داخله المكان فكلمتهم عشان أشوف الوضع كلمت المدير نفسه . . إلي مسؤول عنا (( معاه وحده مد