لحـظات من حـياتي

د ائما أدخل في حوسه لا جيت أسوي مدونه و كل ذا بسبب قوانينها الأولى و إلي كانت بمنتدى حسيت و أنا أجهز لها و كأني بأسس دوله لازم ما تسوي لازم ما تفعل لازم . . الإنضمام لداعش أسهل (( أمزح لا تقولوا إرهابيه )) لما جيت بأسوي ذي . . سلام قول من رب رحيم يعني الأولى كانت مجرد نزهه بالنسبه لذي المشكله إنه مو مبسط الشرح أضيع في نص السطر . . و أرجع أعيد القرايه أحاول أفهم وش المطلوب تقولون إختبار قدرات صعب . . جربوا ذا متأكدين إنه قوانين مدونه عاديه . . مو إلتحاق بمكتب سري تابع للإستخبارات الأمريكيه (( واضح الأكشن مؤثر عليه )) ما صدقت إني سويتها و إنتهيت هو إنشائها سهل . . بس إذا أحد زي يقرا القوانين و الشروط فعز الله ضاع

بسم الله الرحمن الرحيم السلام عليكم جميعا إلي محضرين في ذا أقصد هنا في مدونتي  ذي مو أول مدونه أسويها سبق و عملت مدونه من قبل في منتدى و الحمد لله كان لها متابعه جيده و إن شاء الله ذي تكون بوضع أفضل و يكون لي متابعين أكثر مدونتي ببساطه راح تكون عن حياتي بكل ما أمر فيه من مواقف سعاده حزن ضحك بكاء قصص . . كل شيء يعني راح تكون متنوعه في السرد و التدوينات ما راح يكون فيها شيء محدد أنا ما أحب أتقيد بشيء معين . . أحب أكتب عن الشيء إلي يخطر ببالي يمكن أشطح و أكتب خواطر (( محسوبتكم مهووسة خواطر )) أو رايي بفيلم أو مسلسل (( طريلر على غفله نياهاهاهاها عارفه إنها بايخه )) يعني راح تكون لحظات من حياتي أتمنى إنها تعجبكم . . و تستمروا بزيارتها